Ix-xahar tal-Ewropa tal-Grupp tal-PPE – ingħaqad magħna!

Fid-9 ta’ Mejju tal-1950, Robert Schuman, Demokristjan u wieħed mill-fundaturi ewlenin tal-Komunità Ewropea, għamel dikjarazzjoni storika li ħejjiet il-pedamenti għall-ħolqien tal-Unjoni Ewropea kif nafuha llum.

Sabiex jiġi onorat il-kontribut uniku u fundamentali tiegħu għall-kawża Ewropea, il-Grupp tal-PPE jiċċelebra x-xahar tal-Ewropa f’Mejju – u jistiednek biex tieħu sehem f’ attivitajiet bħall-Kompetizzjoni tal-Kitba Robert Schuman, u biex iżżur il-Parlament Ewropew fil-Ġranet Miftuħin għall-Pubbliku fi Brussell u Strażburgu. Hemmhekk tista’ tiltaqa’ u ssellem lill-Membri tal-Parlament, titgħallem dwar l-opportunitajiet għall-karriera u tinvolvi ruħek f’attivitajiet divertenti ħdejn l-Istand tal-Grupp tal-PPE.